TAIBA KE JANE WALE
NAAT LYRICS
TAIBA KE JANE WALE, JAKR BADE ADAB SE
MERA BHI QISSA E GAM KEHNA SHAH E ARAB SE
kehna ke shah e aali, ek ranj o gam ka mara
dono jaha me iska, hai aap hi sahara
haalate pur alam se, har dam guzar raha hai
aur kanpte labo se, faryaad kr rha hai
baare gunaah apne, hai dosh pe uthae
koi nahi hai esa, jo puchne ko aae
bhatka hua musafir, manzil ko dhundta hai
taarikiyon me maah e kamil ko dhundta hai
sine me hai andhera, dil hai siyah khana
ye sb meri haqiqat, sarkaar ko sunana
KEHNA MERE NABI SE, MEHROOM HU KHUSHI SE
SAR PAR EK ABRE GAM HAI, ASHKON SE ANKH NAM HAI
PAMAL E ZINDAGI HU, SARKAAR UMMATI HUN
UMMAT KE REHNUMA HO, KUCH ARZ E HAAL SUN LO
FARIYAD KR RAHA HU, ME DIL FIGAAR KAB SE
MERA BHI QISSA E GAM KEHNA SHAH E ARAB SE
TAIBA KE JANE WALE, JAKR BADE ADAB SE
MERA BHI QISSA E GAM KEHNA SHAH E ARAB SE
Kehna ke kha raha hu, me thokar e jaha me
tum hi batao aaqa, jaun bhala kaha me
mehsus kar raha hun, duniya hai ek dhoka
matlab ke yaar hai sb, koi nahi kisi ka
kisko me apna manu, kiska me lu sahara
mujhko to mere aqa, hai aap ka sahara
tum hi sunoge meri, tumhi karam karoge
dono jaha me aqa, mera bharam rakhoge
TUM DAD KHWAHE ALAM, ME EK NASIM BARHAM
TUM BEKASON KE WALI, ME BENAWA SAWALI
TUM ASIYON KA YARA, ME GARDISHON KA MARA
REHMAT HO TUM SAHARA,ME MURTAQIB KHATA KA
HUN SHARMSAR APNE, AMAAL KE SABAB SE
MERA BHI QISSA E GAM KEHNA SHAHE ARAB SE
TAIBA KE JANE WALE, JAKR BADE ADAB SE
MERA BHI QISSA E GAM KEHNA SHAH E ARAB SE
ae aazam e madina, ja kar nabi se kehna
soz e gham e alam se, ab jal raha hai sina
kehna ke dil me lakhon arma bhare hue hai
kehna ke hasraton ke nashtar chubhe hue hai
hai arzoo yeh dil ki, me bhi madine jau
sultan e do jaha ko, sab daag e dil dikhau
katun hazaro chakkar, taiba ki har gali me
yu hi guzar du me, aiyam zindagi ke
PHULON PE JAAN NISARU, KATON PE DIL KO WARU
ZARRO KO DU SALAMI, DAR KI KARUN GULAMI
DIWAR O DAR KO CHUMU, QADMO PE SAR KO RAKH DU
MEHBUB SE LIPAT KAR, ROTA RAHU BARABAR
ALAM KE DIL ME HAI YE, HASRAT NA JANE KAB SE
MERA BHI QISSA E GAM KEHNA SHAHE ARAB SE
TAIBA KE JANE WALE, JAKR BADE ADAB SE
MERA BHI QISSA E GAM KEHNA SHAH E ARAB SE
0 Comments
Text us, we will reply soon.
Team Alpha