Anchoring Urdu Shayri

 سبھی تعریف ہے اُسکی اسی کی حمد خوانی ہے

ہماری جان پے ہر دم خدا کی مہربانی ہے

کہیں گرمی کہیں سردی کہیں بارش کہیں طوفان

خدا کا ہی کرشمہ ہے اسی کی حکمرانی ہے

اسی کے فضل سے آغاز کا انجام ہوتا ہے

اُسی کی مہربانی سے جہاں کا کام ہوتا ہے

سناؤ نغمہء قرآن کہ ہم بیدار ہے جائیں 

اندھیروں سے نکل کے صاحب انوار ہو جائیں 

صحرا میں جنگلوں میں بیابان میں پڑھو 

مینار گر پڑے تو میدان میں پڑھو

یہ بے خبر نجومی تمہیں کیا بتائیں گے 

کل ہونے والا کیا ہے قرآن میں پڑھو

با ہنر ہو پر اثر ہو قوم کے رہبر ہو تم

کہکشاں ہو پھول جو اور خُوشبوے عنبر ہو تم 

آؤ محفل میں خطابت کا چراغِ ضو لیے 

باعث فخر چمن ہو شمع رشن تر ہو تم

بزمِ تصورات سجی تھی ابھی ابھی

نظروں میں مصطفیٰ کی گلی تھی ابھی ابھی

معلوم کر رہے تھے فرشتوں سے جبرئیل 

کسی کی زبان پے نعت نبی تھی ابھی ابھی

طیبہ کی آرزو میں میرا دل اداس ہے

زندہ ہوں بس کہ پھر وہاں جانے کی آس ہے

طیبہ کی ارض پاک پہ تدفین ہو میری   

اللہ کے حضور یہی التماس ہے

کبھی دو چار لوگوں میں میری واه واہ جو ہوتی ہے

کمال اپنا نہیں اس میں یہ سب اس کی عنایت ہے

بھلائی خیر خواہی اور وفاداری و ایثاری 

نبی کے جان نثاروں کی یہی خصلت ہے عادت ہے

ملی ہے جو وراثت میں نبی کے چار یاروں سے 

صداقت ہے عدالت ہے سخاوت ہے شجاعت ہے

 بہار آئی کھلی کلیان  ہنسے تارے چلے آ

تمہیں آواز دیتے ہیں یہ نظارے چلے آؤ

حقیقت سامنے آکر کہانی چھین لیتی ہے

خطا انسانوں کے آنکھوں کا پانی چھین لیتی ہے

بری صحبت سے بچنے کی ہمیشہ فکر کر پیارے 

یہ اکثر نو جوانوں کی جوانی چھین لیتی ہے

مٹانا اس کو دنیا سے کوئی آسان تھوڑی ہے

سنو یاروں کسی انسان کا یہ فرمان تھوڑی ہے

کتابیں آج بھی دنیا میں ہے بے انتہا موجود 

مگر قرآن سے اعلیٰ کسی کی شان تھوڑی ہے

کوئی بو جہل جیسا کمینہ ہو نہیں سکتا

نبی کہہ دے جسے جھوٹا و سچّا ہو نہیں سکتا

اگر مکھی درودِ پاک پڑھنا بھول جائے تو

زمانے کا کوئی بھی شہد میٹھا ہو نہیں سکتا

زمانہ اس لیے کہتا ہے زمانے سے

جو رتبہ ہے نبی کا وہ کسی کا ہو نہیں سکتا